May 23, 2024

Warning: sprintf(): Too few arguments in /www/wwwroot/anosluzdeserrano230.com/wp-content/themes/chromenews/lib/breadcrumb-trail/inc/breadcrumbs.php on line 253
ججز دھمکی آمیز خطوط پر تحقیقاتی رپورٹ وزارت داخلہ کو ارسال

سپریم اور ہائی کورٹس کے ججز کو ملنے والے مشکوک اور دھمکی آمیز خطوط کے معاملے پر تحقیقاتی رپورٹ وزارت داخلہ کو ارسال کر دی گئی ہے۔ذرائع سے ملنے والی اطلاعات کے مطابق ججز  کو موصول مشکوک خطوط کی اب تک ہونے والی تحقیقات پر مبنی رپورٹ وزارت داخلہ کو ارسال کر دی ہے جس میں تمام تر تفصیلات بیان کی گئی ہیں۔رپورٹ میں کہا گیا ہے کہ 2 اپریل کو اسلام آباد ہائیکورٹ کے 8 ججز کو مشکوک خطوط ملے جس کے بعد 3، 4 اور 5 اپریل کو سپریم کورٹ کے ججز کو بھی اسی نوعیت کے خطوط موصول ہوئے۔ ان مشکوک خطوط کے الگ الگ دو مقدمات درج کیے جا چکے ہیں۔رپورٹ میں بتایا گیا ہے کہ ان خطوط میں آرسینک پاؤڈر پایا گیا .جس کی مقدار زہریلی نہیں تھی۔ آرسینک جن جن پنسار سے ملتا ہے ان کا بھی ڈیٹا اکٹھا کر لیا گیا ہے اور تفتیشی ٹیمیں متعلقہ تمام دکانوں کے دورے کر رہی ہیں جب کہ سی ٹی ڈی کی 2 ٹیمیں راولپنڈی اور اسلام آباد کے لیے بنائی گئی ہیں۔رپورٹ کے مطابق سی سی ٹی وی فوٹیج اور خط بھیجنے والوں کے نام نادرا کو بھجوا دیے گئے ہیں جب کہ لفافوں پر تحریر اور سیاہی کے تجزیے کے لیے ایکسپرٹ کو بھجوا دیا گیا۔ اس کے علاوہ خط پر لگائی جانیوالی پوسٹل اسٹیمپ کا بھی تجزیہ کیا جا رہا ہے۔رپورٹ میں کہا گیا ہے کہ مذکورہ معاملے پر سپریم کورٹ اور ہائیکورٹ کو روزانہ کی بنیاد پر رپورٹ جمع کرائی جا رہی ہے۔

Leave a Reply

Your email address will not be published. Required fields are marked *